5 чэрвеня — дзень памяці Еўфрасінні Полацкай, асветніцы зямлі Беларускай.
Штогод 5 чэрвеня ўшаноўваецца памяць Еўфрасінні Полацкай, Нябеснай заступніцы Беларусі, самай вядомай беларускай святой. Духоўны ўплыў беларускай асветніцы далёка выйшаў за межы старажытнай эпохі. Яе імя, справы і вобраз падзвіжніцы крышталізаваліся ў часе і набылі найвышэйшую якасць нацыянальнага сімвала самаадданага служэння высакародным ідэалам, вернасці сваёй радзіме (па матэрыялах нацыянальнага адукацыйнага партала). Відэаролік "Еўфрасіння Полацкая" https://youtu.be/FQ1eGk05t-8 , захоплена і аб'ектыўна распавядае пра жыццё і дзейнасць выдатнай асветніцы ХІІ ст. Сёння Еўфрасіння Полацкая — сімвал духоўнага служэння адданасці справе і крыніца маральнай сілы і натхнення . Існуе ганаровы знак яе імя; ордэн Еўфрасінні Полацкай атрымліваюць грамадзяне Рэспублікі Беларусь у галіне развіцця культуры.
