Дзень гарбуза
З Амерыкі да нас прыйшло жудаснае свята - Хэлоўін. 31 кастрычніка прыхільнікі далекай краіны пераапранаюцца ў розных нячысцікаў і просяць цукерак. Каб не адставаць ад моладзі, мы таксама вырашылі адзначыць гэты дзень, але на беларускі манер.
У нас атрымаўся Дзень гарбуза з дэвізам “Гарбуз у хату – будзе ўсяго багата!” Мы зрабілі гарбузам цікавыя тварыкі, паставілі ў іх сярэдзіну свечкі, а замест жудасных касцюмаў упрыгожылі сябе лентачкамі з нацыянальным арнаментам - гэта выглядала вельмі прыгожа. З нашымі гарбузамі мы хадзілі па гуртках цэнтра творчасці і пад старадаўнія мелодыі чыталі вершы беларускіх аўтараў пра галоўную асобу свята – гарбуз. Усім было прыемна атрымаць нашыя віншаванні і сфатаграфавацца з цікавым атрыбутам дня.
Ірына САКАЛОВА, Варвара КЛІМЦАВА
