Выполнение заданий юными журналистами на тему "Моя мечта"

Дата: 21 апреля 2020 в 13:16, Обновлено 21 апреля 2020 в 13:28

Автор: Андриевская Т. Л.

361 просмотр

Калі я яшчэ вучылася ў пачатковай школе, адна мая сяброўка займалася народнымі танцамі, а другая - у музычнай школе. Я таксама хацела чымсьці займацца. Бацькі дазволілі мне пайсці на танцы разам з сяброўкай. І вось прыйшоў той дзень, калі я ўпершыню зайшла ў харэаграфічную залу, дзе стаяла фартэпіяна, а каля яго пелі дзеці.

Я была трошкі здзіўлена, бо вельмі хацела танцаваць. Настаўніца, якая пела разам з дзецьмі, калі заўважыла маё здзіўленне, сказала: ”Мы вакальны ансамбль фальклорнай песні ”Мазырскія весялушкі“. Мы танцуем, але галоўная наша задача – прыгожа пець”. На першых занятках я проста слухала, як спявалі дзяўчынкі і падумаць не магла, што народныя песні могуць быць такімі чароўнымі. На працягу 9 гадоў я разам з ансамблем вучылася пець, танцаваць, размаўляць па-беларуску, вывучала фальклор, але самае галоўнае – я знайшла сябе. Я сур’ёзна зацікавілася музыкай і мне стала мала аднаго ансамбля. Не сакрэт, што, каб прыгожа спяваць, трэба ведаць ноты і ўмець граць на інструменце. Прыходзячы дамоў пасля школы я праз Інтэрнет вывучала ноты на дзіцячым сінтэзатары, глядзела відэа-урокі па вакалу. На занятках з ансамблем я была на вяршыні шчасця, бо тут я займалася тым, што падабаецца – музыкай. Музыка – гэта ўніверсальная мова, з дапамогай якой можна перадаць розныя пачуцці і знайсці агульную мову нават з замежнікамі. Зараз я з’яўляюся лаўрэатам розных міжнародных і рэспубліканскіх вакальных конкурсаў, граю на фартэпіяна і гітары, сама пішу партытуры да песен. Мая мара – пісаць свае песні. Я хачу, каб мае песні дапамаглі людзям ісці да сваёй мэты і не здавацца, верыць у сябе. Мой любімы музыкант з Паўднёвай Карэі Мін Юнгі кажа: ”Калі адчуваеш, што хочаш здацца, пачынай працаваць яшчэ больш старанна. Твая мэта ўжо зусім блізка“.
Лізавета ЗІНЬКОВА

Все новости

Комментарии:

Оставлять комментарии могут только авторизованные посетители.