Новости проекта
С Новым годом и Рождеством!
Разъяснение ситуации с рекламой и предупреждением МАРТ
Обновленные функции Schools.by
Выполнение заданий юными журналистами на тему "Моя мечта"
Колькі сябе памятаю любіла выкрываць тых, хто хлусіў, ставіў сябе вышэй за астатніх, любіла на прыкладах тлумачыць такому чалавеку, што ён памыляецца. Даказвала з упэўненасцю, бо ведала, што праўда на маім баку і ніколі не спрачалася, калі не хапала фактаў, калі ведала, што сама памыляюся. Любіла расказваць сябрам і знаёмым цікавыя факты, навіны…
Колькі сябе памятаю часта і многа пісала. Мне падабалася выводзіць прыгожыя літары, любавацца напісаным, а калі не падабалася, вырывала ліст і пачынала спачатку…
…Мая першая нататка ў раённай газеце была апублікавана, калі я вучылася ў 7 класе. Прачытаўшы, расчаравалася, бо ад майго тэксту засталося мала, амаль усе было падпраўлена. Аднак я разумела, што з часам прыйдзе вопыт. Трэба толькі старанна працаваць і пісаць, а гэта я любіла. Так, з часам вопыт сапраўды прыйшоў, мяне пачалі часцей друкаваць, тэксты правілі нязначна і зараз з вялікай удзячнасцю да рэдакцыі я атрымліваю ганарары. У газеце "Жыццё Палесся" апублікавана звыш 20-ці маіх нататкаў. Ячшэ праз некаторы час было першае вялікае дасягненне: разам з камандай юных журналістаў цэнтра творчасці мы стварылі маладзёжны інфармацыйны праект «PRESS-моладзь», дзе маглі падзяліцца з чытачом сваімі думкамі, уражаннямі, разважаннямі. І мара стаць журналістам ператварылася ў мэту жыцця: даносіць да грамаства праўду, факты, навіны пра тое, што адбываецца ў свеце, пераносіць гэта разам з газетным артыкулам у сэрцы людзей, фарміраваць правільную думку.
Сям'я чытала мае матэрыялы, хваліла і часта паўтарала, што я падобна на свайго прадзеда Дзяніса Мікалаевіча Шкробата, настаўніка і карэспандэнта. Падобна нават стылем напісання, почыркам. Яго артыкулы заўсёды былі простыя, цікавыя і лёгка чыталіся да апошняга слова. Гэтая прага прыносіць навіны людзям прайшла праз два пакаленні, дайшла да мяне, яго праўнучкі. Я таксама, як і прадзед, пішу на роднай мове…
Пакуль што я юны журналіст. Аднак упэўнена, што калі чалавек жыве сваёй справай, робіць яе з вялікім задавальненнем і ахвотай, ён перарасце ў сапраўднага прафісіянала. Можа праз многа гадоў вы будзеце чытаць цікавы артыкул у вядомым журнале і ўбачыце подпіс аўтара «Кацярына Медвідзь». Тады ведайце: мая мара здзейснілася!
Кацярына МЕДВІДЗЬ
…Мая першая нататка ў раённай газеце была апублікавана, калі я вучылася ў 7 класе. Прачытаўшы, расчаравалася, бо ад майго тэксту засталося мала, амаль усе было падпраўлена. Аднак я разумела, што з часам прыйдзе вопыт. Трэба толькі старанна працаваць і пісаць, а гэта я любіла. Так, з часам вопыт сапраўды прыйшоў, мяне пачалі часцей друкаваць, тэксты правілі нязначна і зараз з вялікай удзячнасцю да рэдакцыі я атрымліваю ганарары. У газеце "Жыццё Палесся" апублікавана звыш 20-ці маіх нататкаў. Ячшэ праз некаторы час было першае вялікае дасягненне: разам з камандай юных журналістаў цэнтра творчасці мы стварылі маладзёжны інфармацыйны праект «PRESS-моладзь», дзе маглі падзяліцца з чытачом сваімі думкамі, уражаннямі, разважаннямі. І мара стаць журналістам ператварылася ў мэту жыцця: даносіць да грамаства праўду, факты, навіны пра тое, што адбываецца ў свеце, пераносіць гэта разам з газетным артыкулам у сэрцы людзей, фарміраваць правільную думку.
Сям'я чытала мае матэрыялы, хваліла і часта паўтарала, што я падобна на свайго прадзеда Дзяніса Мікалаевіча Шкробата, настаўніка і карэспандэнта. Падобна нават стылем напісання, почыркам. Яго артыкулы заўсёды былі простыя, цікавыя і лёгка чыталіся да апошняга слова. Гэтая прага прыносіць навіны людзям прайшла праз два пакаленні, дайшла да мяне, яго праўнучкі. Я таксама, як і прадзед, пішу на роднай мове…
Пакуль што я юны журналіст. Аднак упэўнена, што калі чалавек жыве сваёй справай, робіць яе з вялікім задавальненнем і ахвотай, ён перарасце ў сапраўднага прафісіянала. Можа праз многа гадоў вы будзеце чытаць цікавы артыкул у вядомым журнале і ўбачыце подпіс аўтара «Кацярына Медвідзь». Тады ведайце: мая мара здзейснілася!
Кацярына МЕДВІДЗЬ
Комментарии:
Оставлять комментарии могут только авторизованные посетители.
